و زي ما نتو شايفين .. ميبيقاش محل و لا اتنين جنب بعضهم و خلاص ... لا بيقى سوق بحاله بكل المحلات و المناطق اللي فيه بيبيع نفس السلعة ... و ده بيوفر تشكيلات متنوعة ..

و ده تلاقيه كتييييييييييييييييييييييييييييييييييييير أوي .... غير الموسكي و درب البرابرة ...شارع عبد العزيز مثلا ... سوق التلات ... المناصرة .. كل المناطق دي عبارة عن أسواق متخصصة بالكامل ....


شارع عبد العزيز و هو المتخصص في الأدوات الكهربائية و الموبيلات ...





اللي سمعته لاني خارج مصر حاليا ان محلات في كتير اتكسرت أيام الثورة و ما بعدها ....و معرفشي رجع لنشاطة بالكامل و لا لا

عموما بالذات كمان في الموبيلات .. ان مكنشي الواحد خبير أوي أوي أوي بسعر الحاجة و في الموبيلات حالت موبيله و سعره و بطاريته لو عايز يبيعة مثلا يبقى بلاش ..


************************************************** **


في سوق التلات ..و ده لجهاز البنات




أشهر مكان لجهاز البنات في القاهرة كلها .......




أطقم حلل... الومنيوم و تيفال و استنلس ... كاسات و صيني و أدوات مطبخ .. محلات كتييييييير فوق بعضها في مكان واحد و أسعار متقاربة ...

الناس بييجوا له من الأرياف ساعات يجهزا من هنا طمعا في أعتدال أسعاره بالنسبة لبره



**************************************************

سكة المناصرة ...ميني دمياط في قلب القاهرة





طبعا ... من العنوان يوضح لنا نشاط الشارع أو الحي ده ... و هو صناعة الأثاث اليدوي ..






طبعا في مصر لا يعلى على الأثاث الدمياطي ... الذي يملأبيوتنا جميعا و بعض البيوت العربية و يملأمعارض الأثاث في مصر كلها في ما يمكن ان نسمه المعجزة الدمياطية المعروفة

إنما هذا المكان برضو شهير نوعا في القاهرة ...و بشتهر بالكراسي و الكونسيلات و الترابيزات و حتى أطقم المفروشات الجميلة ذات السعر المعقول .....




و إذا كان الجميييع في دمياط يعملون بدون عاطل واحد في ما يشبه المنظومة فدمياط هي المحافظة الوحيده في مصر التي ليس بها عاطل واحد عن العمل .. فالجميع هنا كذلك يعملون في صناعة الأثات كبار و صغار ...





و زي ما قلتلكم ده أجمل ما في المنطقة دي .. تقارب معظم المحلات ذات النشاط الواحد في المكان الواحد للسهولة في الاختيار


شارع الأزهر ....




و قبل ما نروح بأه عشان أكيد تعبتوا من اللف و الزحمة ... تعالوا معايا على شارع الأزهر




بدايتة من ميدان العتبة لحااااد الجامع الأزهر اللي منه واخد الإسم




طبعا كغيره من شوارع القاهرة ..مزدحم معظم الوقت و رغم وجود كوبري و نفق الإزهر ..لكن كونه شارع تجاري و به كثير من المحلات يجعلة مزدحما ...





و يشتهر بمحلات الستائر و المفروشات و ما يعرف في مصر بقماش التنجيد و المفروشات دي ماليا لشارع ...

و محلات العطارة و بيع التذكارات الإسلامية كثيرة في الشارع أيضا ..


يتبع طبعا ... بآخر جزء في رحلتنا مع ميدان الأوبرا الشهير جدا .......


و مسك الختام ... في جولة العتبة ...



محطتنا الاخيرة .. هو ميدان الأوبرا .....













ميدان الأوبرا هو أحد الميادين الرئيسية في وسط القاهرة ويعود تاريخه إلى عام 1869 ميلادياً وهي السنة التي أنشأت فيها أول دار أوبرا في الشرق الأوسط في عهد الخديوي إسماعيل.... اللي كان مغرم بفرنسا و فنها المعماري






و من هنا كان اسم ميدان الاوبرا ...... و يتوسط الميدان تمثال ابراهيم باشا ابن محمد على الاكبر جالسا على حصانة ...و تحوطة حزام اخضر صغير ...









ابراهيم باشا من الشخصيات المحورية في مصر عصر محمد علي .. لانه صاحب إنجازات حربية كبيرة و عشان كده متهيألي في مدمرة مصرية اسمها المدمرة ابراهيم على ما اسمع يعني نسبة لاإبراهيم باشا و دورة في الجيش المصري ..




طبعا معروف تاريخيا إنه محكمشي مصر لانه توفي في حياه ابيه ... و عشان كده اتعمل له التمثال ده تكريما له




الميدان فيه أنواع كتييير من المحلات المتخصصة ... ساعات ... ملابس رجالي و حريمي و حديثا مول كبير و ملابس سوارية ..


و بكده ..... متهيألي رحلتنا في العتبة و ملحقاتها تكون خلصت ..و أتمنى انها تكون عجبتكم و تكونوا استمتعتم معايا بيها

مما راق لى