اكثركم تذوق الاكلات الصينية في بعض المطاعم اممم وطبعا عجبتكم
واكيد ودكم تعرفون وش سر الطبخه الصينية وكيف يعدونها
والطريقه الي يقدمونها
تراها سهله وخفيفة وبنفس الوقت لذيذه
طبعا لي مذاق انا خاص بالاكل الصيني واحب اني اطبخه بالبيت
وطبعا بعد البحث والتنقيب ارتحنا من هالمطاعم
وشي اكيد مافي الذ واطيب من طبخ البيت
ويالله الي ودها تشمر وتطبع الطبخات ماعندي مانع
بس اهم شي تنفذينها وقت ماتبين
صدقيني راح ياكلون اصابعهم بعد طبختك اقصد يلعقونها
يالله قدامي للمطبخ
اولاً : طريقة التبنياكي الصيني
بأمكانك تسوينها بنفس الطريقة مع اللحم او الدجاج
وانا هنا بسويها مع الجمبري
المقادير:
كيلو جمبري مقشر ومنظف منه الخيط الاسود
حبه فلفل اصفر واحمر او اخضر فقط ثلاث الوان واااو
حبتين جزر مقطعه شرائح
ثوم مفروم
زنجبيل طازج مفروم
ملح فلفل
خل
سكر
مشروم
ذره صغيره ممكن معلبه او يمكن الاستغناء عنها شي راجع لك
صلصة الصويا
صلصه المحار
قليل من مرقه الدجاج
نشا الذره
الطريقه:بالبدايه يجب تسخين المقلاة جيدا ثم يوضع بها الزيت
يتبل الجمبري بالخل والملح والفلفل الاسود ويرش بملعقتين صغيرتين من النشا
بعد ان يسخن الزيت جيدا وتكون المقلاه ساخنه جدا يوضع عليه الجمبري ويحرك على نار قويه حتى يصبح لونه ورديا وينشل من المقلاه
(لايوضع كميه كبيره من الجمبري حتى لايبرد الزيت ويخرج ماء الجمبري
فيقلى على دفعات وكل مره تحمى المقلاة جيدا)
ثم يقلى الثوم والزنجبيل ويضاف له الخضروات والمشروم ويقلب على نار قويه ثم يوضع فوقه الجمبري ويقلب قليلا معا
في كوب يوضع 4 ملاعق صلصه الصويا وملعقه صغير سكر
وملعقتين صلصه المحار وملح وفلفل وقليل من مرقه الدجاج
وملعقتين صغيرتين من النشاويحرك الخليط بالملعقه جيدا
ثم يوزع على الجمبري ويقلب دقيقتين
او حتى يصبح الخليط لامعا ثم يقدم مع ارز صيني..
وبالعافية عليكم
كنت اتمني ارفاق صور للطبخه لكن الجود من الموجود
مودتي
أكلات صينية سهله جدا ومذاقها وااااااااااو
العرض العادي
